"Decreto: Ourense, 7 de febreiro de 2012 Ante as necesidades de axiliza-lo procedemento de determinados actos administrativos de carácter regulado en materia de execucións orzamentarias, e tendo en conta o previsto nos artigos 34.2 da Lei de bases do réxime local, 63 e 64 do Regulamento de organización, funcionamento e réxime xurídico das entidades locais (ROF), así como nas bases 34ª e 35ª de execución do vixente orzamento, dispoño:
1º.- Delegar no vicepresidente da Deputación Provincial, don Rosendo Luis Fernández Fernández, o exercicio das seguintes atribucións propias da Presidencia:
a) O recoñecemento e liquidación de obrigacións.
b) A ordenación de pagos de obrigacións recoñecidas previamente.
2º.- O exercicio das atribucións delegadas levarase a cabo con estrita suxeición á normativa vixente, e, en particular, ó disposto nas bases 34ª e 35ª de execución do orzamento.
3º.- As delegacións conferidas producirán efectos a partir do día 8 de febreiro de 2012, sen prexuízo da súa preceptiva publicación no Boletín Oficial da Provincia.
4º.- Ordena-la publicación no Boletín Oficial da Provincia do contido desta resolución, da que, ademais, se dará conta ó Pleno na primeira sesión que teña lugar".
Ourense, 7 de febreiro de 2012. O presidente. Asdo.: José Manuel Baltar Blanco.