Primeiro: Suprimir, de forma temporal, o rexistro auxiliar de entrada situado no edificio denominado Casa das Palmeiras, rúa Tapia n.º1, O Temple, Cambre, e crear un rexistro auxiliar de entrada de documentos situado nos baixos onde actualmente se atopa Servizos Sociais, na rúa Río Barcés n.º 8, A Barcala, Cambre.
Segundo: Crear un rexistro auxiliar para a saída da documentación procedente dos servizos situados na Barcala (Servizos Sociais, Cultura, Educación, Deportes, Voluntariado).
Terceiro: Os rexistros auxiliares entrarán en funcionamento a partir do 6 de febreiro de 2012, co seguinte horario:
- de 9:00 a 14:00 horas de luns a venres
Cuarto: Manter, con carácter provisional, o rexistro auxiliar de entrada da documentación dirixida á área de Servizos Sociais, Igualdade e Sanidade creado por Resolución de Alcaldía n.º1502 de 1 de agosto de 2008.
Quinto: Notifíquese aos departamentos afectados, e á funcionaria de ata o de agora rexistro auxiliar da Casa das Palmeiras.
Publíquese, para xeral coñecemento, no Boletín Oficial da Provincia, taboleiro de anuncios da casa do concello, así como na páxina web e nun dos xornais de maior divulgación da provincia.
Cambre, 3 de febreiro de 2012
O alcalde
Manuel Rivas Caridad
2012/1434