O alcalde ditou a resolución nº 198/2012, do 1 de febreiro que é do teor literal seguinte:
"RESOLUCIÓN DA ALCALDÍA
ANTECEDENTES DE FEITO
- O martes 21 de febreiro, celébrase a tradicional cabalgata de entroido. Para regular a participación nesta cabalgata se elaboran unhas bases reguladoras, que se detallan a continuación:
Bases para a participación na cabalgata do entroido. 21 de febreiro de 2012
Participantes: poderán participar todas as persoas que así o desexen e teñan a ben cumprir a normativa que aquí se expón.
Inscrición: no departamento de cultura (1º planta Casa Dopeso) todos os días laborais dende o luns 13 de febreiro de 10.00 a 13.30 h ata o martes de entroido ás 13 horas. Deberán realizar a solicitude de inscrición no que se nomeará un representante para actuar no seu nome ou en nome do grupo e perante as reclamacións de terceiros. Na inscrición cubriranse os seguintes datos: nome, apelidos e DNI do representante, teléfono e enderezo de contacto, nome e descrición do disfrace e número de participantes.
Categorías e premios:
|
ADULTOS |
Grupos |
Parellas |
Individuais |
|
|
1º Premio |
500 |
200 |
100 |
|
|
2º Premio |
200 |
100 |
50 |
|
|
3º Premio |
150 |
75 |
30 |
|
|
INFANTIL |
Grupos |
Parellas |
Individuais |
Meniños (Ata 8 anos) |
|
5 premios |
150 |
75 |
50 |
Un conto |
1ª.- Todos os participantes que desexen optar aos premios anteriormente descritos deberán inscribirse segundo se especifica no apartado de inscricións.
2ª.- Cada participante poderá inscribirse na categoría que desexe, tendo en conta a normativa que para cada unha delas se especifica nestas bases.
3ª.- O xurado non avaliará aos participantes que non amosen o dorsal que se lles entrega ao facer a inscrición.
4ª.- Todos os participantes deberán facer o percorrido completo que se especifica nestas bases.
5ª.- Aqueles participantes que se anoten en categorías que esixan a participación de máis dunha persoa, deberán facer o percorrido en conxunto, xa que o xurado só avaliará como participantes aos que acompañen ao portador do dorsal co número co que foron inscritos.
6ª.- Aos premiados nas categorías infantís entregáraselles un vale canxeable por libros, material e xogos educativos e didácticos.
7ª.- A elección de categoría corresponde á persoa que aparece como responsable da inscrición atendendo ao seguinte:
Na categoría infantil pódense inscribir rapaces ata 16 anos.
Na categoría meniños poderanse inscribir os rapaces ata 8 anos. Esta categoría non entra no concurso, e todos os participantes desta categoría recibirán un conto ao remate da Cabalgata no patio do colexio Sta. María
8ª.- O Xurado estará formado por representantes de asociacións do Concello de As Pontes, e un representante do Concello de As Pontes, con voz pero sen voto. As decisións do Xurado serán inapelables. Algún dos premios poderá quedar deserto por decisión do Xurado.
9ª.- A participación na Cabalgata implica a aceptación destas bases.
Saída: Rúa Monte Caxado ás 17:00 horas do martes 21 de febreiro de 2012,
Percorrido: Avda. de Ortigueira, Avda. de Castelao, Praza do Hospital, Avda. de Galicia, Alexandre Bóveda cruzando a Avda. da Coruña ata a Rúa Alexandre Bóveda, e Patio do Colexio Sta. María.
Entrega de premios: A decisión do xurado darase a coñecer ao remate da cabalgata no patio do Colexio Sta. María. Todos os participantes deberán esperar o anuncio dos premiados xa que a ausencia dos mesmos dará lugar a que o premio se lle outorgue ao seguinte clasificado.
- Existe proposta de gasto nº 14/2012 por importe de 2780,00 euros.
- Existe informe de fiscalización da intervención municipal favorable con data 27/01/2012.
Partida orzamentaria: 2012.0.338.22608
FUNDAMENTOS LEGAIS
Considerando as facultades conferidas pola lei 7/1985 de 2 de Abril, Reguladora das bases de réxime local, R.D.L.781/86 de 18 de abril, pola que se aproba o texto refundido das disposicións vixentes en materia de réxime local R.D. 2568/86 do 28 de Novembro, polo que se aproba o regulamento de organización, Funcionamento e Réxime xurídico das Entidades Locais e demais disposicións aplicables.
Por iso, RESOLVO:
1º- Aprobar as bases reguladoras da cabalgata de entroido 2012, que se celebrará o martes 21 de febreiro.
2º- Ordenar a inserción das citadas bases no Boletín Oficial da Provincia.
As Pontes de García Rodríguez.
O alcalde.- Valentín González Formoso.- O oficial maior.- Felipe Vázquez García"
O que se fai público no Boletín Oficial da Provincia (BOP) en cumprimento do disposto na citada resolución.
As Pontes de García Rodríguez, 3 de febreiro de 2012
O alcalde
Valentín González Formoso
2012/1430